...

Bakıda İran-ABŞ əlaqələri müzakirə olunurmu? - Hər iki tərəfin rəsmi mövqeyi

Siyasət Materials 10 Noyabr 2014 15:18
Bakıda İran və ABŞ arasında diplomatik əlaqələrin yaradılmasına dair müzakirələrin aparılması barədə məlumat rəsmən təkzib edilib.
Bakıda İran-ABŞ əlaqələri müzakirə olunurmu? - Hər iki tərəfin rəsmi mövqeyi

Trend-i buradan izləyin

Azərbaycan, Bakı, 10 noyabr /Trend, müxbir Təmkin Cəfərov/

Bakıda İran və ABŞ arasında diplomatik əlaqələrin yaradılmasına dair müzakirələrin aparılması barədə məlumat rəsmən təkzib edilib.

Müzakirələrdə iştirak edəcəyi iddia edilən Tehranın Beynəlxalq Ticarət Palatasının rəhbəri Məhəmmədrza Səbzəlipur Trend-ə "The Times" qəzetində Bakıda İran və ABŞ arasında diplomatik əlaqələrin yaradılmasına dair müzakirələrin aparılması ilə bağlı yayılan məlumatı şərh edərkən bildirib ki, o, İranda heç bir ABŞ ticarət ofisinin açılmasında vasitəçilik etmir və ümumiyyətlə, Azərbaycanda müzakirələr üçün nümayəndə heyətinə başçılıq etmir.

M.Səbzəlipur deyib ki, o, Bakıda yaxın vaxtlarda səfərdə olmayıb və İran nümayəndə heyətinin tərkibində də deyil.

Qeyd edək ki, "The Times" xəbər verir ki, tərəflər nüvə anlaşmasına yaxındır və bu səbəbdən ABŞ və İran rəsmiləri nüvə anlaşmasının əldə olunmasının ardınca ikitərəfli diplomatik münasibətlərin bərpası məsələsini müzakirə edilir.

Mənbə bildirib ki, Bakı danışıqlarında mövzu ABŞ-ın Tehranda ticarət nümayəndəliyinin açılması barədədir. Adının açıqlanmasını istəməyən İran rəsmiləri qəzetə bildiriblər ki, danışıqların növbəti raundu bu həftə yenidən Bakıda keçiriləcək. Tehranı həmin danışıqlarda M.Səbzəlipur təmsil edəcək.

Məqalədə:
Xəbər lenti

Xəbər lenti