...

Arseni Yasenyuk fəallığına görə azərbaycanlıları və yəhudiləri xüsusi qeyd etdi

Siyasət Materials 28 Yanvar 2015 19:41
Ukraynanın Baş naziri Arseni Yasenyuk ölkədə yaşayan etnik qruplar arasında ictimai-siyasi və humanitar fəallığına görə yəhudiləri və azərbaycanlıları xüsusi qeyd edib.
Arseni Yasenyuk fəallığına görə azərbaycanlıları və yəhudiləri xüsusi qeyd etdi

Trend-i buradan izləyin

Azərbaycan, Bakı, 28 yanvar /Trend/

Ukraynanın Baş naziri Arseni Yasenyuk ölkədə yaşayan etnik qruplar arasında ictimai-siyasi və humanitar fəallığına görə yəhudiləri və azərbaycanlıları xüsusi qeyd edib.

Ukrayna Millətlər Assambleyasından (UMA) Trend-ə verilən məlumata görə, A.Yasenyuk bunu yanvarın 27-də Kiyevdə Holokost faciəsinin 70 illiyi münasibətilə keçirilən "Auşvits həbs düşərgəsi - Ukrayna ölçüsü" adlı sərgi zamanı milli azlıqları təmsil edən təşkilatların rəhbərləri ilə görüşü zamanı deyib.

Baş nazir UMA rəhbəri, Birləşmiş Ukrayna Azərbaycanlıları Konqresinin sədri Rövşən Tağıyev və Ukrayna Yəhudi Forumunun rəhbəri Arkadi Monastırski ilə söhbətində onların təmsil etdikləri təşkilatların Ukraynanın ictimai-siyasi həyatında fəal rol oynadıqlarını və mühüm humanitar aksiyalar keçirdiklərini vurğulayıb. A.Yasenyuk göstərdikləri humanitar fəallığa görə assambleyaya və Ukraynada yaşayan azərbaycanlılara xüsusi minnətdarlığını bildirib.

R.Tağıyev isə Ukraynadakı bütün etnik qrupları təmsil edən 140-a qədər cəmiyyəti özündə birləşdirən Ukrayna Millətlər Assambleyasının xüsusi ekspert qrupu yaratdığını və bu qrupun millətlərarası münasibətlərin inkişafı, tolerantlıq missiyasının təbliği və milli azlıqların hüquqi məsələlərinin tənzimlənməsi ilə məşğul olduğunu Baş nazirin nəzərinə çatdırıb.

Görüşdə qarşılıqlı maraq doğuran digər mövzular ətrafında fikir mübadiləsi aparılıb.

Məqalədə:
Xəbər lenti

Xəbər lenti