Azərbaycan, Bakı, 26 oktyabr /Trend/
"Deyirlər, Bleyer "səhvinə" görə üzr istəyib. Amma bu nə birinci "səhvdir", nə də sonuncu. Bundan da böyük "səhvlər" olub".
Trend-in məlumatına görə, bunu Azərbaycan Prezidenti Administrasiyası rəhbərinin müavini, Xarici əlaqələr şöbəsinin müdiri Novruz Məmmədov Twitter-dəki səhifəsində yazıb.
O, qeyd edib: "Son illərdə Qərbdə rəhbərlərin belə səhvlərinin sayı-hesabı yoxdur. Dünyanı indiki vəziyyətə salan elə bu bilə-bilə edilən səhvlərdir".
Xatırladaq ki, Böyük Britaniyanın sabiq Baş naziri Toni Bleyer CNN telekanalına müsahibəsində 2003-cü ildə İraqda əməliyyatların başlamasındakı roluna görə ilk dəfə üzr istəyib.