...

Jan-Fransua Mansel: Qərardan qazanan Fransa-Azərbaycan dostluğu oldu

Siyasət Materials 30 İyun 2016 14:00 (UTC +04:00)
Deputat Roşbluanın “Fransa ilə Azərbaycan arasında əlaqələrə yenidən baxılması haqqında” Milli Assambleyanın Xarici İşlər Komissiyasına təqdim etdiyi Qətnamə layihəsinin qəbulolunmaz hesab edilərək rədd edilməsi haqqında Komissiyanın qəbul etdiyi məsuliyyətli qərarı alqışlayıram.
Jan-Fransua Mansel: Qərardan qazanan Fransa-Azərbaycan dostluğu oldu

Bakı. Trend:

Deputat Roşbluanın “Fransa ilə Azərbaycan arasında əlaqələrə yenidən baxılması haqqında” Milli Assambleyanın Xarici İşlər Komissiyasına təqdim etdiyi Qətnamə layihəsinin qəbulolunmaz hesab edilərək rədd edilməsi haqqında Komissiyanın qəbul etdiyi məsuliyyətli qərarı alqışlayıram. Təklif olunan Qətnamə layihəsində Azərbaycan və Fransa arasında mövcud olan yüksək səviyyəli diplomatik əlaqələrə və xalqlarımız arasındakı dərin dostluq münasibətlərinə kölgə salmağa cəhd olunurdu.

Trend-in məlumatına görə, bu barədə Fransa Milli Assambleyasının deputatı, Fransada Azərbaycanın Dostları Assossiasiyasının prezidenti Jan-Fransua Manselin sözügedən qətnamə layihəsi ilə bağlı bəyanatında bildirilir.

Bəyanatda qeyd olunur ki, Xarici işlər Komissiyası Dağlıq Qarabağ üzrə məlumatlandırma mssiyasının yaradılması haqqında qərar qəbul etdi: "Əminəm ki, bu missiya Azərbaycanın Ermənistan tərəfindən işğal olunmuş ərazilərinə dair haqlı tələblərini obyektiv şəkildə ortaya qoymaq imkanları yaradacaq. Cənab Roşbluan komissiya üzvləri arasında özünün hazırladığı Qətnamə layihəsinə səs verən yeganə deputat oldu və çox təəccüblüdür ki, Dağlıq Qarabağ üzrə məlumatlandırma missiyasının yaradılmasına dair qərara isə heç özü də səs vermədi. Heç şübhəsiz, bu qərar onun mütəmədi olaraq Azərbaycana qarşı təşkil etdiyi qarayaxma kampaniyalarının məramına uyğun deyil. Bu axşam qəbul olunan qərardan qazanan Fransa- Azərbaycan dostluğu oldu".

Qeyd edək ki, dünən Fransa Milli Assambleyasının Xarici İşlər Komissiyasının növbəti iclası olub. İclasın gündəliyində deputat Fransua Roşbluanın hazırladığı və baxılmaq üçün Komissiyaya təqdim etdiyi “Azərbaycan və Fransa arasında əlaqələrə yenidən baxılması haqqında” Qətnamə Layihəsi vardı. Komissiya üzvləri tərəfindən fəallıqla müzakirə olunan Qətnamə Layihəsi demək olar ki, yekdilliklə rədd edilib.

Məqalədə:
Xəbər lenti

Xəbər lenti