...

Səfir: Azərbaycan NATO-nun yüksək dəyər verilən tərəfdaşıdır

Siyasət Materials 20 İyul 2016 17:32 (UTC +04:00)
Azərbaycan NATO üçün çox mühüm və yüksək dəyər verilən tərəfdaşdır.
Səfir: Azərbaycan NATO-nun yüksək dəyər verilən tərəfdaşıdır

Bakı. Elçin Mehdiyev - Trend:

Azərbaycan NATO üçün çox mühüm və yüksək dəyər verilən tərəfdaşdır.

Trend-in məlumatına görə, bunu Rumıniyanın Azərbaycandakı səfiri, NATO-nun Azərbaycandakı rezident əlaqələndiricisi Kristian Çiobanu bu gün NATO-nun Varşava sammitinin yekunlarına həsr olunmuş dəyirmi masada deyib.

Səfir bildirib ki, NATO ilə Azərbaycan arasında əlaqələr ötən illərdə güclü inkişaf edib. Onun sözlərinə görə, NATO ilə Azərbaycan bir sıra sahələrdə səmərəli əməkdaşlıq edir.

K.Çiobanu əlavə edib ki, Azərbaycan təkcə NATO-nun Əfqanıstanda həyata keçirdiyi antiterror əməliyyatına deyil, eyni zamanda Kosovada həyata keçirilən əməliyyatlara dəstəyini göstərib.

K.Çiobanu NATO ilə Azərbaycan arasında əlaqələrin bundan sonra da inkişaf edəcəyinə ümidvar olduğunu bildirib.

Səfir həmçinin Azərbaycanın enerji təhlükəsizliyinin təmin edilməsində rolundan danışıb. O qeyd edib ki, Azərbaycan Avropanın enerji təhlükəsizliyinin təmin edilməsində mühüm rol oynayır.

K.Çiobanu həmçinin Azərbaycan ilə Rumıniya arasında əlaqələrdən danışıb. O qeyd edib ki, Azərbaycan ilə Rumıniya arasında əlaqələr ötən 5 il ərzində xeyli inkişaf edib. Səfirin sözlərinə görə, iki ölkə rəsmilərinin qarşılıqlı səfərləri bu əlaqələrin inkişafına təkan verir.

Məqalədə:
Xəbər lenti

Xəbər lenti