İlham Əliyev sinqapurlu həmkarını təbrik edib

Bakı. Trend:

Azərbaycan Prezidenti İlham Əliyev Sinqapur Prezidenti Toni Tan Kenq Yamı təbrik edib.

Trend-in məlumatına görə, təbrikdə deyilir: "Sinqapur Respublikasının milli bayramı münasibətilə Sizə və xalqınıza öz adımdan və Azərbaycan xalqı adından ən səmimi təbriklərimi yetirirəm.

Bu əlamətdar gündə Sizə möhkəm cansağlığı, işlərinizdə uğurlar, dost Sinqapur xalqına daim əmin-amanlıq və firavanlıq diləyirəm".