Bakı. Gülqiz Muradova - Trend:
Avropa İttifaqının (Aİ) Cənubi Qafqaz və Gürcüstan üzrə xüsusi nümayəndəsi Toivo Klaar dekabrın 4-5-də Bakıya səfər edəcək.
Bu barədə Trend-ə Avropa İttifaqının Bakı ofisindən məlumat verilib.
Məlumata görə, səfər çərçivəsində ölkə rəsmiləri ilə görüşlər keçiriləcək. Ofisdən bildiriblər ki, səfərdə əsas məqsəd Aİ-Azərbaycan münasibətlərini və ATƏT-in Minsk qrupunun apardığı sülh prosesini müzakirə etməkdir.
Qeyd edək ki, T.Klaar noyabrın 13-də Avropa İttifaqının Cənubi Qafqaz və Gürcüstan böhranı məsələləri üzrə xüsusi nümayəndəsi təyin olunub.
Bu vəzifəyə təyin olunmamışdan öncə T.Klaar Aİ-nin Gürcüstanda müşahidəçilər missiyasının rəhbəri postunu tutub.
Xatırladaq ki, bundan öncə Avropa İttifaqının Cənubi Qafqaz üzrə xüsusi nümayəndəsi Herbert Salber olub.