Bakı. Trend:
Azərbaycan Xalq Cümhuriyyətinin 100 illiyi ilə bağlı tədbirlər dünyanın hər yerində davam edir. Tədbirlərin təntənəli keçirilməsində, şərqin ilk demokratik respublikası olan AXC-nin yaranma tarixi və o dövrdə görülən işlərlə bağlı dünya ictimaiyyətinin məlumatlandırılmasında Azərbaycan diasporu əvəzsiz rol oynayır.
Diasporla İş üzrə Dövlət Komitəsindən Trend-ə verilən məlumata görə, Azərbaycanın Misirdəki Diaspor Təşkilatları Birliyinin sədri, tədiqatçı-alim Seymur Nəsirov Misirin “əl-Fədaiyyə əl-Misriyyə” dövlət televiziya kanalının “Diplomatik səhifələr” proqramında bu mövzuda çıxış edib.
Verilişdə Azərbaycanın müasir simasını əks etdirən videoçarx da nümayiş olunub.
S.Nəsirov Azərbaycanla Misir arasında tarixi əlaqələrdən söhbət açıb.