...

Mövlud Çavuşoğlu ulu öndər Heydər Əliyevin məzarını və Şəhidlər xiyabanını ziyarət edib (FOTO)

Siyasət Materials 24 İyul 2018 17:01 (UTC +04:00)
Mövlud Çavuşoğlu ulu öndər Heydər Əliyevin məzarını və Şəhidlər xiyabanını ziyarət edib.
Mövlud Çavuşoğlu ulu öndər Heydər Əliyevin məzarını və Şəhidlər xiyabanını ziyarət edib (FOTO)

Trend-i buradan izləyin

Bakı. Trend:

Azərbaycanda səfərdə olan Türkiyənin xarici işlər naziri Mövlud Çavuşoğlu iyulun 24-də Fəxri xiyabana gələrək xalqımızın ümummilli lideri, müasir müstəqil dövlətimizin memarı və qurucusu Heydər Əliyevin xatirəsini yad edib, məzarı önünə əklil qoyub.

Görkəmli oftalmoloq-alim, akademik Zərifə xanım Əliyevanın da xatirəsi anılıb, məzarı üzərinə tər güllər düzülüb.

Sonra Mövlud Çavuşoğlu Şəhidlər xiyabanına gedərək Azərbaycanın müstəqilliyi və ərazi bütövlüyü uğrunda mübarizədə canlarından keçmiş qəhrəman Vətən övladlarının məzarlarını ziyarət edib, “Əbədi məşəl” abidəsinin önünə əklil qoyub.

Bakının ən hündür nöqtəsindən Azərbaycan paytaxtının mənzərəsini seyr edən nazirə Şəhidlər xiyabanının tarixi və şəhərdə görülən abadlıq-quruculuq işləri barədə məlumat verilib.

Daha sonra Türkiyənin xarici işlər naziri Şəhidlər xiyabanında şəhid türk əsgərlərinin xatirəsinə ucaldılmış abidəni ziyarət edərək önünə əklil qoyub, şəhidlik kitabəsinin üstünə gül dəstələri düzüb.

Məqalədə:
Xəbər lenti

Xəbər lenti