Bakı. Eldar Canaşvili - Trend:
Rəsmi Bakı Azərbaycan və Rusiya arasında dövlət sərhədinin demarkasiyası prosesini yaxın 2-3 il ərzində başa çatdırmağa ümid edir.
Trend-in məlumatına görə, bunu Xarici İşlər nazirinin müavini Xələf Xələfov deyib.
O bildirib ki, Rusiya tərəfi ilə sərhədin demarkasiyası məsələləri uğurla davam etdirilir:
“Noyabr ayında Moskvada iclas keçirilib və yeni planlar müəyyənləşdirilib. Demək olar ki, son 2-3 il ərzində işlərin 30-40 faizi görülüb”.
Nazir müavini əlavə edib ki, bu işlər çərçivəsində tərəflər arasında tam anlaşma mövcuddur.