...

Milli Məclisin sədri: Hamı virusa qarşı mübarizədə fəal iştirak etməli, verilən bütün tövsiyələrə əməl etməlidir (ƏLAVƏ OLUNUB)

Siyasət Materials 30 Mart 2020 11:10 (UTC +04:00)
Milli Məclisdə 31 mart azərbaycanlıların soyqırımı yad edilib.
Milli Məclisin sədri: Hamı virusa qarşı mübarizədə fəal iştirak etməli, verilən bütün tövsiyələrə əməl etməlidir (ƏLAVƏ OLUNUB)

Trend-i buradan izləyin

Bakı. Elçin Mehdiyev – Trend:

Milli Məclisin yaz sessiyasının növbəti plenar iclası başlayıb.

Trend-in məlumatına görə, spiker Sahibə Qafarovanın sədrliyi ilə keçirilən iclasın gündəliyinə 16 məsələ daxil edilib.

İclası açıq elan edən Milli Məclisin spikeri Sahibə Qafarovanın təklifi ilə son 100 ildə və ondan əvvəlki dövrdə erməni şovinistlərinin qurbanı olmuş günahsız insanların xatirəsi bir dəqiqəlik sükutla yad edilib.

Daha sonra spiker son günlərin gündəmini narahat edən koronavirus infeksiyası və ona qarşı Azərbaycanda aparılan qabaqlayıcı tədbirlərdən söz açıb.

S.Qafarova deyib ki, Azərbaycanda virusla mübarizədə Ümumdünya Səhiyyə Təşkilatının tövsiyələrinə əməl edilir, tədris təxirə salınıb, iri ticarət obyektlərinin fəaliyyəti dayandırılıb və digər tədbirlər həyata keçirilib.

Koronavirusla Mübarizəyə Dəstək Fondunun yaradıldığını xatırladan S.Qafarova bildirib ki, Milli Məclisin deputatları və əməkdaşları Fonda 250 min manatdan artıq vəsait köçürüb.

Spiker əlavə edib ki, hamı virusa qarşı mübarizədə fəal iştirak etməli, verilən bütün tövsiyələrə əməl etməlidir: “Mən inanıram ki, biz bu vəziyyətdən üzüağ çıxacağıq”.

Məqalədə:
Xəbər lenti

Xəbər lenti