Vətən müharibəsinin Anım Gününün rəmzi olan Xarı bülbül
...
  1. Əsas səhifə
  2. Siyasət

Deputat: Fransa hakimiyyəti hər zaman ermənipərəst mövqe nümayiş etdirir

Siyasət Materials 3 Oktyabr 2020 17:19 (UTC +04:00)
Deputat: Fransa hakimiyyəti hər zaman ermənipərəst mövqe nümayiş etdirir

Trend-i buradan izləyin

Bakı. Elçin Mehdiyev - Trend:

Fransa hakimiyyəti hər zaman ermənipərəst mövqe nümayiş etdirir. Fransa təkcə Azərbaycanla bağlı məsələdə deyil, ümumiyyətlə türk dünyasına qarşı hər zaman bitərəf yanaşma sərgiləyə bilməyib. Hələ Fransanın "erməni soyqırımı"nı kriminallaşdıraraq, bununla bağlı Senat səviyyəsində qərar qəbul etməsi bütün Türk-islam dünyasında qəzəbə, nifrətə səbəb olmuşdu. İllərdir Fransanın ortalığa atdığı "Xalq Diplomatiyası" anlayışı ermənilərin əlində silahdır. Demək olar ki, ortalığa atılan "Xalq Diplomatiyası" bu münaqişəni bir qədər də yubatmaq üçün ayrı-ayrı dövlətlərə rəhbərlik edən siyasi liderlərin bir uydurmalarından irəli gəlir. Bir sözlə, "Xalq Diplomatiyası" yolu ilə Qarabağ probleminin həlli daha da uzadılırdı.

Bunu Trend-ə Milli Məclisin deputatı Müşfiq Cəfərov deyib. Onun sözlərinə görə, sentyabrın 30 Fransa Prezidenti Emmanuel Makronun çıxışından sonra artıq bu dövlətin ATƏT-in Minsk Qrupu həmsədrliyində qalmasının heç bir əhəmiyyəti yoxdur. Əgər Fransa ATƏT-in Minsk Qrupu həmsədrliyində qalarsa, Dağlıq Qarabağ münaqişəsinin həlli uzanacaq. Belə ədalətsiz bir dövlət bu problemi həll edə bilməz. Yaxud da ki, həll edərsə, bu, Azərbaycan tərəfinin xeyirinə olan deyil. Əgər Fransanın imkanı və gücü çatsaydı, elə 27 il əvvəl Dağlıq Qarabağ münaqişəsini işğalçı ölkə olan Ermənistanın xeyrinə həll edərdi. Çünki Fransa dövləti hər zaman ermənipərəst mövqe sərgiləyir. Ona görə də, Dağlıq Qarabağ probleminin həlli ilə bağlı, Fransadan müsbətə doğru nəyi isə gözləmək məntiqli deyildi.

Deputat qeyd edib ki, Fransa, əslində, ənənəvi ermənipərəst dövlət imicini qazanıb. Fransada çox sayda etnik erməni yaşıyır və orada həlledici postlara yiyələnə biliblər: "Həmçinin, Fransada yaşayan etnik ermənilər ölkənin siyasi idarəetmə sistemində həlledici rol oynayırlar. Fransız merləri həmişə erməni lobbisinin təsirində fəaliyyət göstərib, ermənilərdən daha artıq erməniliyi ilə seçilib. Bu ölkədə erməni lobbisi tərəfindən maliyyələşdirilən, dəstəklənən, onun faktiki ruporuna çevrilən şəxslər idarəçilikdə mühüm mövqe sahibi olurlar.

Fransa bu gün deyil, ATƏT-in həmsədr olduğu dövrdən Azərbaycanın xeyrinə heç bir addım atmayıb. Faktiki olaraq, dünyanın qəbul etdiyi demokratik dəyərləri özündə əks etdirən mühüm bəyanatları qəbul edən ölkə bunları Dağlıq Qarabağla bağlı reallaşdırmaq istəmir. Əgər həmsədrlər münaqişənin sülh yolu ilə həllini arzu edirsə, bitərəf qalmalı, işğalçı ilə işğala məruz qalana ayrı münasibət göstərməlidir. Həmsədrlər tərəfsiz və ədalətli olmalıdırlar.

Azərbaycan işğalçıyla Böyük Vətən müharibəsi aparır. Biz torpaqlarımızı işğaldan azad etmək üçün bütün beynəlxalq hüqüqlara əsaslanaraq müharibə aparırıq. Fransanın ermənipərəst mövqeyi təəccüb yaratmamalıdır. Çünki özlərinə yaxın, yəni soyqırımı törətmiş bir xalqı müdafiə etməsi Fransa üçün olduqca normaldır. Bu ölkənin tarixinə nəzər salsaq, Əlcəzair və Vyetnamda törətdikləri soyqırımı, müstəmləkələrdə yerli əhaliyə qarşı olan haqqsızlıqlar, onları öz yurdlarını tərk etməyə məcbur qoymuş bir dövlət görəciyik. Sırf bu səbəblərdən Fransanın ermənipərəst mövqeyi gözlənilən idi".

Məqalədə:
Xəbər lenti

Xəbər lenti

Bütün xəbərlər