Bakı. Trend:
Biz Ermənistan tərəfi ilə itkin düşmüş, əsir və girov götürülmüş
insanlarla bağlı birgə mexanizm yaratmağa hazırıq.
Trend-in məlumatına görə, bunu Prezident Administrasiyasının
Xarici siyasət məsələləri şöbəsinin sektor müdiri Həbib Mikayıllı
bu gün Azərbaycanda itkin düşmüş şəxslər probleminə həsr olunmuş
brifinqdə deyib.
O qeyd edib ki, Azərbaycan təkbaşına bu insanların taleyini müəyyən
edə bilməz. Ona görə də bu məsələdə Ermənistan Azərbaycanla
əməkdaşlıq etməlidir. Biz birgə mexanizm yaratmağa hazırıq.