Bakı. Trend:
2020-ci il sentyabrın 27-də Ermənistan silahlı qüvvələrinin cəbhəboyu genişmiqyaslı təxribat törətməsinə cavab olaraq Azərbaycan Ordusu sonradan "Dəmir yumruq" adlandırılan əks-hücum əməliyyatına başladı. 44 gün davam edən Vətən müharibəsi təxminən otuzillik işğala son qoyulması və ərazi bütövlüyümüzün bərpası ilə nəticələndi.
Trend Vətən müharibəsinin oktyabrın 18-nə olan xronikasını təqdim edir:
- Prezident İlham Əliyev "Twitter" səhifəsində Azərbaycan Silahlı Qüvvələrinin qədim Xudafərin körpüsünün üzərində Azərbaycan bayrağını qaldırdığını açıqlayıb;
- Birinci vitse-prezidenti Mehriban Əliyeva rəsmi "İnstaqram" hesabında Füzulinin işğaldan azad edilməsi ilə bağlı paylaşım edib;
- Humanitar atəşkəs rejiminin elan olunmasına baxmayaraq Ermənistan silahlı qüvvələri növbəti dəfə razılaşmanı kobud surətdə pozub;
- Ermənistanın məhv edilən hərbi texnikalarının siyahısı açıqlanıb. Düşmənin hərbi hissəsi ələ keçirilib. Ermənistanın növbəti Su-25 təyyarəsi vurulub;
- Ermənistan Ağdərə, Füzuli, Hadrut və Cəbrayıl istiqamətlərində hücuma cəhd edib;
- Azərbaycan əsgəri ermənilərin xüsusi təyinatlılarının mövqelərini ələ keçirib;
- Düşmənin döyüş texnikası və silah-sursatı ələ keçirilib;
- İşğaldan azad olunan Füzuli şəhərinin mərkəzində Azərbaycan bayrağı qaldırılıb.