Azərbaycan DİN-in cinayət axtarışı idarəsinin keçmiş rəisi Zakir Nəsirov həbs olunub və hazırda onun işinin təhqiqatı aparılır. Trend agentliyinin məlumatına görə, bu barədə jurnalistlərə Azərbaycanın milli təhlükəsizlik naziri Eldar Mahmudov bildirib.
Onun sözlərinə görə, nazirlik lazım gəldikdə bu barədə ətraflı məlumat verəcək, hələlik isə bu istintaqın sirri olaraq qalır.
Xatırladaq ki, Z. Nəsirov iyulun 8-də Hacı Məmmədovun ifadələri əsasında həbs olunub. Hazırda o, MTN-in istintaq təcridxanasında saxlanılır, ona qarşı qəsdən qətlə yetirmə və şəxslərin oğurlanması üzrə ittihamlar irəli sürülüb.
