Sentyabrın 19-dan başlayaraq Azərbaycan Silahlı Qüvvələrinin nümayəndələri bir sıra hərbi kurslarda iştirak edəcəklər. Bu barədə Trend ə Azərbaycan Respublikası Müdafiə Nazirliyinin mətbuat xidmətindən məlumat verilib.
Belə ki, sentyabrın 29-dək NATO ilə Azərbaycan Respublikası arasnıda imzalanmış fərdi proqrama uyğun olaraq "Sülh Naminə Tərəfdaşlıq" proqramı çərçivəsində Belçika Krallığının Brüssel və Mons şəhərlərində "NATO-nun mənzil Qərargahı və tərəfdaşlığın Koordinasiya Qrupu ilə tanışlıq" proqramı, sentyabrın 30-dək Makedoniya Respublikasının Skopye şəhərində "Qərargah zabitləri üçün hərbi terminologiya" kursu, oktyabrın 7-dək Azərbaycanla Türkiyə Respublikası arasnıda imzalanmış ikitərəfli hərbi əməkdaşlıq planına uyğun olaraq İzmir şəhərində "Mühəndis-istehkam birliyi və minalar" üzrə kurs, Azərbaycanla Böyük Britaniya arasında imzalanmış ikitərəfli hərbi əməkdaşlıq planına uyğun olaraq noyabrın 4-dək Krenfild Universitetində "Demokratiya şəraitində müdafiənin idarə edilməsi" üzrə Azərbaycanla Rumıniya arasında imzalanmış ikitərəfli hərbi əməkdaşlıq planına uyğun olaraq dekabrın 16-dək Buxarest şəhərində "Birgə əməliyyatlar üzrə qərargah zabitləri üçün yüksək səviyyəli kurs, Azərbaycanla Bolqarıstan Respublikası arasında imzalanmış ikitərəfli hərbi əməkdaşlıq planına uyğun olaraq dekabrın 23-dək Sofiya şəhərində "Hərbi ingilis dili" kursu keçiriləcək.
