"Sentyabrın 26-da Ali Məhkəmədə hakim Əli Rüstəmovun sədrliyi ilə keçirilən iclasda İslam Partiyasının sədri Hacı Hacıağa Nurinin namizədliyinin ləğvi ilə bağlı Appelyasiya Məhkəməsinin qərarı qüvvədə saxlanılıb". Bu barədə Trend ə Hacı Hacıağa Nuri bildirib.
Qeyd edək ki, Mərkəzi Seçki Komissiyası (MSK) tərəfindən Azərbaycançı Qüvvələr seçki blokundan namizədliyi 28 saylı Sabunçü üçüncü seçki dairəsindən ləğv edilən İslam Partiyasının sədri H.Nuri MSK-nın qərarından Apellyasiya Məhkəməsinə kassasiya şikayəti verib. Apellyasiya Məhkəməsi də öz növbəsində MSK-nın qərarını qüvvədə saxladıqdan sonra H.Nuri Ali Məhkəməyə müraciət edib.
H.Nuri Ali Məhkəmənin qərarını qərəzli hesab edərək Konstitusiya Məhkəməsinə və Avropa İnsan Hüquqları üzrə Məhkəməyə müraciət edəcəyini vurğulayıb: "Üç gün müddətinə Ali Məhkəmədən qərarı aldıqdan sonra bu addımı atacam. Mübarizədən geri çəkilmək fikrim yoxdur" .
