Mərkəzi Seçki Komissiyası 9 dairə seçki komissiyası üzrə 29 məntəqənin protokollarını araşdırılmaq üçün Azərbaycan Respublikasının Baş Prokurorluğuna göndərib. Trend xəbər verir ki, bu barədə MSK noyabrın 26-da qərar qəbul edib.
Bu dairələr 15 saylı Yasamal birinci, 43 saylı Sumqayıt üçüncü, 44 saylı Sumqayıt-Abşeron, 45 saylı Abşeron, 54 saylı Dəvəçi-Siyəzən, 95 saylı Tərtər, 103 saylı Gədəbəy, 125 saylı Zəngilan-Qubadlı, 77 saylı Astara seçki dairələridir. Bu dairələr üzrə 29 seçki məntəqəsinin protokollarında cinayət tərkibinin olması ehtimal edilir. Bu məqsədlə həmin materialların araşdırılmaq üçün Baş Prokurorluğa göndərilməsinə dair qərar çıxarılıb.