Mərkəzi Seçki Komissiyasının (MSK) nümayəndə heyəti Qazaxıstanda keçiriləcək prezident seçkilərini müşahidə etmək üçün dekabrın 2-də bu ölkəyə gedib. Bu barədə Trend ə MSK-nın beynəlxalq əlaqələr şöbəsindən məlumat verilib.
Qeyd edək ki, dekabrın 4-də Qazaxıstanda prezident seçkiləri keçiriləcək. Azərbaycanın Mərkəzi Seçki Komissiyasının üzvlərindən və Aparatın əməkdaşlarından ibarət nümayəndə Astanada seçkilərin müşahidəsini aparacaq. Nümayəndə heyəti Qazaxıstandan dekabrın 7-də qayıdacaq.
Qazaxıstanın prezident seçkisini izləyəcək Azərbaycan nümayəndə heyətinə MSK sədri Məzahir Pənahov daxil deyil.