Azərbaycan Respublikası Daxili İşlər Nazirliyi Baş Mütəşəkkil Cinayətkarlıqla Mübarizə İdarəsində (DİN BMCMİ) "qaynar xətt" fəaliyyətə başlayıb. Bu barədə Trend ə DİN mətbuat xidmətindən məlumat verilib.
"Qaynar xətt"in yaradılması ölkədə insan alverinə qarşı mübarizənin gücləndirilməsi, belə cinayətlər haqqında məlumatların toplanılması, cinayətlərin qarşısının vaxtında alınması üçün qabaqlayıcı profilaktiki tədbirlər hazırlayıb həyata keçirilməsi və bu istiqamətdə səmərəli nəticələr əldə edilməsi məqsədi güdür.
DİN BMCMİ-nə bilavasitə tabe olan İnsan Alverinə Qarşı Mübarizə İdarəsində fəaliyyət göstərən 490-90-75 nömrəli "qaynar xətt" insan alveri cinayətlərinin qurbanlarına hərtərəfli hüquqi və psixoloji yardım göstərir.
İdarə rəhbərliyi zəng vuranların anonimliyinə tam təminat verir.
Trend-in ən mühüm və maraqlı xəbərlərini "Telegram"da izləyin
