"Zərurət yaranarsa, partiyanın Zona Əlaqələndirmə Şurası yenidən fəaliyyət göstərəcək". Bu barədə Trend ə Azərbaycan Xalq Cəbhəsi Partiyasının (klassiklər) Ali Məclisinin sədri Zəlimxan Məmmədli bildirib.
Qeyd edək ki, adıçəkilən şura partiyanın rayon təşkilatlarının yerləşdiyi zonalar üzrə yaradılıb: "Məqsədimiz rayon təşkilatlarının fəaliyyətini gücləndirmək və yenidən təşkilatlandırmaq idi. Bir çox zonalarda bu məsələlərlə bağlı müşavirələr keçirmişik. Ancaq indi bu şuranın fəaliyyəti bizim üçün aktual olmadığından ona bir o qədər əhəmiyyət vermirik. Çünki zona müşavirələrimiz başa çatıb".
Z.Məmmədli adıçəkilən şuranın yaradılmasının partiyanın qurultaya hazırlıqla bağlı olmadığını bildirib. Ancaq qeyd edib ki, lazım gələcəyi təqdirdə Zona Əlaqələndirmə Şurasının fəaliyyətini canlandıracaqlar.