Azərbaycan Demokratik İslahatlar Partiyasının sədri, millət vəkili Asim Mollazadə Beynəlxalq Respublikaçılar İnstitutunun proqram direktoru Dallas Frohriblə görüşüb. Bu barədə Trend ə Demokratik İslahatlar Partiyasından (DİP) məlumat verilib.
Görüşdə ölkədəki ictimai-siyasi vəziyyət, DİP ilə Beynəlxalq Respublikaçılar İnstitutu arasında əməkdaşlıq məsələləri müzakirə olunub. Asim Mollazadə qonaqlara partiya quruculuğu ilə bağlı ətraflı məlumat verib.
DİP sədri həmçinin, Seçki Sistemləri üzrə Beynəlxalq Fondun - İFES-in Azərbaycan üzrə direktoru Dan Blessinqtonla da görüş keçirib. Bu görüşdə ölkədəki ictimai-siyasi vəziyyət, may ayında parlamentə keçiriləcək təkrar seçkiləri, Demokratik İslahatlar Partiyasının seçki qanunvericiliyinin təkmilləşdirilməsi ilə bağlı verdiyi təkliflər, demokratik seçki sisteminin formalaşdırılmasına dair məsələlər müzakirə olunub.
Trend-in ən mühüm və maraqlı xəbərlərini "Telegram"da izləyin
.jpg)
