Azərbaycanın Mərkəzi Seçki Komissiyası bu il martın 19-da Belorusiyada keçiriləcək prezident seçkilərini müşahidə edəcək. Bu barədə Trend ə Mərkəzi Seçki Komissiyasının (MSK) beynəlxalq əlaqələr şöbəsinin müdiri Rövzət Qasımov məlumat verib.
O, bildirib ki, Belorisiyadakı seçkini müşahidə etmkə üçün MSK Aparatının iki nəfər əməkdaşı Minskə ezam olunacaq. Onlar müxtəlif seçki dairələrində səəsvermənin gedişini müşahidə edəcəklər. Qeyd edək ki, Azərbaycanın müşahidə missiyası Belorusiya MSK-sının dəvəti əsasnıda həyata keçirilir.
Azərbaycanın Mərkəzi Seçki Komissiyasına daha bir dəvət Ukraynadan gəlib. R.Qasımov deyib ki, bu il martın sonunda Ukraynada keçiriləcək parlament seçkilərini izləmək üçün MSK müşahidəçilərdən ibarət nümayəndə heyətini bu ölkəyə göndərəcək.