Bu gün Gəncədə "Gələcəyə Körpü" gənclər içtimai birliyinin yeni layihəsinin təqdimat mərasimi oldu. Avropa Şurasının Avropa Gənclər Fondunun maliyyə dəstəyi ilə həyata keçirilən layihə belə adlanır: "Gənclər işsizliyin həllinə körpülər salır". İlk olaraq layihə çərçivəsində 4 günlük konfrans işə başlayıb. Burada respublikanın müxtəlif rayon və şəhərlərindən 20-ə yaxın gənclər təşkilatlarının liderləri iştirak edir.
Tədbirdə gənclər mövcud iqtisadi durum və işsizlik probleminin aradan qaldırılması yollarını müzakirə edəcəklər və atılacaq konkret addımları müəyyənləşdirəcəklər. Konfransın keçirilməsində məqsəd həm də odur ki, gənclər təşkilatları bölgələrdə fəaliyyət göstərən sahibkarlarla əlaqələndirilsin və iş bazarlarının təşkili zamanı gənclərin fəallığı təmin olunsun.
Layihənin davamı olaraq konfransdan sonra Gəncədə, eləcə də Azərbaycanın digər bölgələrində Gənclərin Məşğulluq Mərkəzləri yaradılacaq.
