Bir neçə gün əvvəl "Azərbaycan üzümü" adlı yeni atlas çapdan çıxıb. Kitabın müəllifi kənd təsərrüfatı elmləri namizədi Famil Şərifovun sözlərinə görə, atlasda 200-dən çox üzüm sortu haqqında 3 dildə - Azərbaycan, rus və ingilis dillərində məlumat verilib. Şərifov qeyd edir ki, atlas üzümçülüklə məşğul olanlara köməkçi olacaq. Kim hansı sort barədə məlumat almaq istəsə, bu kitaba müraciət edə bilər.
"200 səhifəlik kitab hələlik 1000 nüsxə çap olunub. Əgər gələcəkdə ehtiyac yaranarsa, yenə çap etmək mümkündür" - deyə Famil Şərifov bildirib.
Qeyd edək ki, kitabın təqdimat mərasimi Azərbaycan Kənd Təsərrüfatı Akademiyasında keçirilib. Təbdirdə akademiyanın müəllim və tələbələri, həmçinin şəhər içtimaiyyətinin nümayəndələri iştirak edib.
