Naxçıvan MR fövqəladə hallar nazirliyinin verdiyi məlmata görə, yağıntılar nəticəsində Araz çayında suyun səviyyəsi xeyli qalxıb və Təzəkənd kəndinin 30 evini su basıb. Sakinlər evdən heç bir əşya götürə bilməyiblər. Artıq sakinlər təhlükəsiz yerlərə köçürülüb və müvəqqəti yaşamaq üçün 12 çadır qurulub. Sakinlərin bir qismi isə qohumlarıgildə yaşayır. Dövlət tərəfindən bütün xidmətlər görülür. Onlar gündə 3 dəfə yeməklə təmin edilir. İçməli su çəkilb. Çadırlardan ikisi hamam və çamaşirxana kimi istifadə olunur. Məktəb kəndin kənarında olduğundan ona ziyan dəyməyib. Məktəbdə dərs davam edir.
Təhsil nazirliyi şagirdləri dərs ləvazimatları ilə təmin edib. Kənddə suyun çoxluğundan qayıqla hərəkət edilir. Sakinlərin xalça, yataq dəstləri və qab-qaçaqlarının bir qismi gətirilib. Rabitə və elektrik xətti çəkilib. Polis işçiləri asayişi qoruyur. Tibb işçiləri və təcili yardım maşını sakinlərə xidmət göstərir.
Kənddən Arazın suyunun çəkilməsi müşahidə olunur. Əvvəldən tikilmiş bəndlərdən daşqın çox olduğundan yeni bəndlərin salınması nəzərdə tutulub. Güclü texnika kəndi sulardan təmizləyir. Muxtar Respublika rəhbərliyi və əlaqədar orqanlar hər gün kəndə baş çəkir.
