Qazaxıstanın Bakı-Tiflis-Ceyhan neft kəmərinə qoşulması haqqında müqavilə iyunda Asiyada Qarşılıqlı Fəaliyyət və Etimad Tədbirləri Müşavirəsinin sammitində Qazaxıstan və Azərbaycan dövlət başçıları tərəfindən imzalanacaq. Trend in Qazaxıstandakı xüsusi müxbirinin məlumatına görə, bu barədə Qazaxıstan baş nazirinin mətbuat xidmətinin ölkənin BTC-yə qoşulması məsələsinin baxıldığı müşavirənin yekunları ilə bağlı məlumatında deyilir.
Sənəddə qeyd olunur ki, Qazaxıstanın BTC-yə qouşması məsələsi ölkə hökumətində baş nazir Danial Axmetovun sədrlik etdiyi müşavirədə müzakirə olunub.
Müşavirədə cari ilin mayında Qazaxıstan baş nazirinin Bakıya səfəri çərçivəsində hər iki ölkə hökuməti arasında neftin nəqlinə yardım və dəstək haqqında müqavilə layihəsi müzakirə edilib.
"Dövlət maraqlarını müdafiə etmək üçün neftin Xəzər dənizi ilə daşınmasının yerli şirkətlər tərəfindən həyata keçirilməsi vacibdir", - deyə D.Axmetov qeyd edib.
Hazırda müqavilənin mətni hüquqi ekspertizadan keçir. Dəniz daşımaları və vergi ilə bağlı məsələr hələ tam həll olunmayıb. "Bundan başqa, sənədin mətninə tam aydınlıq gətirmək lazımdır", - deyə baş nazir vurğulayıb.
O bəyan edib ki, müqavilənin işlənməsində iştirak edən nazirlik rəhbərlərinin şəxsi məsuliyyəti zəruridir.
.jpg)
.jpg)
.jpg)
.jpg)
