Mayın 21-də Ukraynanın paytaxtı Kiyev şəhərində GUAM ölkələri gənclərinin forumu keçiriləcək. Bu barədə Trend ə "İrəli" Ümumrespublika Gənclər Hərəkatının həmtəsisçisi Ceyhun Osmanlı bildirib.
Forumda Azərbaycanı adıçəkilən hərəkatın digər təsisçisi Fərhad Məmmədov təmsil edəcək.
C.Osmanlı bildirib ki, F.Məmmədov forumda çıxış edəcək: "Forumun keçirilməsində məqsəd GUAM ölkələri gənclərinin fəaliyyətini əlaqələndirmək və gələcək əməkdaşlığın pespektivlərini müzakirə etməkdir".
C.Osmanlı həmçinin qeyd edib ki, Türkiyənin "Gənc Tur" təşkilatının təşkilatçılı ilə yay aylarında Trükiyədə "Yay düşərgəsi" keçiriləcək: "Yay düşərgəsi" iyun, iyul və avqust aylarını əhatə edəcək. Dünyanın müxtəlif ölkələrinin gəncləri bu düşərgədə bir araya gələcəklər". "Yay düşərgəsi" hər ay bir şəhərdə keçiriləcək. C.Osmanlı qeyd edib ki, bu tədbirə dəvət olunan hər dövlətin gəncləri 10 gün müddətində Türkyədə qalacaq.
