Şahbuzda rayon prokurorluğu binasının qırmızı lentini respublika prokuroru Zakir Qaralov kəsib. Z.Qaralov deyib ki, Naxçıvan MR blokada şəraitindədir və bu da əhalinin güzəranına mənfi təsir edir. O, prokurorluq işçilərinə göstərilən qayğı üçün dövlətə minnətdarlığını bildirib. Eyni zamanda NMR-da aparılan genişmiqyaslı quruculuq işlərindən məmnunluğunu bildirib.
Respublikanın baş prokuroru NMR-da digər sahələr kimi hüquq-mühafizə orqanlarına da böyük diqqət göstərildiyini, bu orqanlarda sağlam kadr korpusunun formalaşmasına qayğı ilə yanaşıldığını qeyd edib. Sonra NMR Ali Məclisin sədri Vasif Talıbov və Z.Qaralov Şahbuz rayon prokurorluğunun inzibati binasının açılışını bildirən lenti kəsiblər. Bina iki mərtəbədən ibarətdir. İşçilər üçün lazımi şərait yaradılıb, kompüterlə təchiz edilib.
