Demokratik İslahatlar Partiyasının (DİP) sədri Asim Mollazadə iyunun 1-də Polşanın Azərbaycandakı səfiri Kşiştof Krayevski ilə görüşüb. Bu barədə Trend ə DİP-dən məlumat verilib.
Görüşdə ölkəmizdəki ictimai-siyasi vəziyyət, Azərbaycan-Polşa münasibətləri, Azərbaycanın Avroatlantik məkanına inteqrasiyası, Avropa Birliyinin Yeni Qonşuluq Siyasəti və digər məsələlər müzakirə olunub. Asim Mollazadə səfirə partiya haqqında ətraflı məlumat verib. Daha sonra Ermənistan-Azərbaycan münaqişəsi, Azərbaycan və Polşa arasındakı çoxtərəfli əməkdaşlıq məsələləri ətrafında fikir mübadiləsi aparılıb.