Narkotiklərlə Mübarizə idarəsinin Qərb bölgəsi üzrə regional şöbəsinin rəisi müavini Rəfail İsmayılovun verdiyi məlumata görə, may ayından başlayan "Xaşxaş- 2006" əməliyyatı bölgədə uğurla həyata keçirilir. Məqsəd yabanı halda bitən və tərkibində narkotik maddə olan çətənə kollarını aşkarlayaraq məhv etməkdir.
Əməliyyat nəticəsində may ayında Xanlar rayonunda 500 kq, Goranboy rayonunda isə 300 kq-a yaxın xaşxaş kolu aşkarlanaraq yandırılıb. Rəis müavini bildirdi ki, Qazaxdan Kürdəmir rayonuna kimi ərazidə əməliyyat işləri davam etdirilir.
