Bu gün içərisində Rusiyanın Axalkalakidəki 62-ci hərbi bazasına məxsus texnika olan növbəti eşelon RF-yə yola düşəcək. Bu barədə Trend in Gürcüstandakı xüsusi müxbirinə Zaqafqaziyadakı rus qoşunları qrupunun komandan müavini polkovnik Vladimir Kuparadze məlumat verib.
Onun sözlərinə görə, eşelon yerli vaxtla saat 9:00-da yola salınacaq.
Gürcüstanın Tsalka dəmiryol stansiyası ilə Rusiyaya 62-ci bazaya məxsus 15 ədəd özüyeriyən artilleriya qurğusundan ibarət eşelon yola salınacaq.
Əvvəlki eşelonlar kimi, bu eşelon da Rusiyaya Azərbaycan ərazisindən istiqamət alacaq.