BMT-nin Uşaq Fondu Salyanda quş qripi əleyhinə treninqlərə başlayıb. Salyan rayon Mərkəzi Xəstəxanasında fondun 3 nümayəndəsinin keçirdiyi 2 günlük treninqlərdən sonra təlim keçmiş yerli həkimlər 3 qrupa bölünərək kəndlərə yollanacaq.
Məqsəd təhlükəli quş qripi virusundan qorunmaq üçün əhalini təlimatlandırmaqdır. Növbəti analoji treninqlər sabahdan Lənkəran şəhərində keçiriləcək.
Xatırladaq ki, Azərbaycanda quş qripindən dünyasını dəyişmiş 5 nəfərdən 3-ü Salyan rayonunun Dayıkənd kəndinin sakinləridir.
