Müxalifətdəki Müsavat Partiyasının sədri İsa Qəmbər sentyabrın 12-də partiya qərargahında Milli Demokratiya İnstitutunun (MDİ) nümayəndəsi Emi Şultsla görüşüb. Bu barədə Trend ə Müsavat Partiyası mətbuat xidmətindən bildiriblər.
Görüşdə ölkədəki mövcud ictimai-siyasi vəziyyət, demokratiya və insan haqları sahəsindəki durum, Azərbaycanda demokratiyanın inkişafı üçün zəruri addımlar, eləcə də MDİ ilə Müsavat partiyası arasında əməkdaşlıq məsələləri ətrafında geniş fikir mübadiləsi aparılıb.