Artıq bir neçə gündür ki, Gəncənin bəzi ərazilərinə mavi yanacaqın verilişi dayandırılıb. Bir neçə küçədə isə qazın təyziqi azaldılıb. Bu isə sakinlərin narazılığına səbəb olub.
Gəncə şəhər Qaz İstismarı İdarəsinin rəisi Ramiz İsmayılov bildirir ki, qazın təyziqinin azaldılması və bəzi yerlərdə dayandırılması şəhərdə aparılan sayğaclaşdırma prosesindən asılı olaraq təhlükəsizlik tədbirlərinə əməl olunması ilə əlaqədardır. İsmayılovun sözlərinə görə, sentyabrın 2 ongünlüyündə şəhərdə 1309 sayğac quraşdırılıb. Ümumən isə Gəncədə bu günə kimi 2539 sayğac quraşdırılıb. İlin sonuna kimi isə bu rəqəm şəhərin bütün qaz abonentlərini əhatə etməklə 62382-ə çatdırılacaq.
R.İsmayılov bildirir ki, Gəncədə sayğacların quraşdırılması prosesi sürətlə aparılır. Bir neçə firma müxtəlif ərazilərdə fəaliyyət göstərir. Müsahibin sözlərinə görə Azəriqazdan İdarəyə göstəriş verilib ki, sayğacların quraşdırılması prosesinə yerli firmalarda cəlb olunsun. İdarənin rəisi qeyd etdi ki, bu məqsədlə şəhərdə fəaliyyət göstərən "Yunisoğlu" firması da prosesə cəlb edilib. Təşkilat ilin sonuna kimi həyət evlərində 5479 sayğac quraşdıracaq.
İtsifadə olunan qaz pullarının yığımına gəldikdə isə R. İsmayılov bildirdi ki, ötən ayın eyni dövrü ilə müqayisədə bu ay yığımda irəliləyiş hiss olunur.