2006-cı ilin 9 ayında Salyan rayonunda əsas kapitala 3 mln 88 min AZN investisiya yönəldilmişdir ki, bu da keçən ilin müvafiq dövründən 4, 1 dəfə çoxdur. Əsas kapitala yönədilmiş investisiyanın 32,9 % -i dövlət müəssisələrinin, 67,1 % -i qeyri - dövlət müəssisələrin payına düşür. Trend ir bölgə müxbiri xəbər verir ki, rayonda yanvar - sentyabr aylarında 4467 kvadrat metr yaşayış sahəsi, 1 poliklinika, 320 şagird yerlik 22 sinif otağı tikilib istifadəyə verilmişdir.
Salyanda 9 ay ərzində kənd təsərrüfatında da uğurlu nəticələr əldə edilib. Belə ki, 57 min 92 ton taxıl, 2min 271 ton kartof, 7 min 549 ton tərəvəz, 5 min 24 ton bostan məhsulları, 872 ton meyvə, 3 min 498 ton pambıq, 2 min 21 ton üzüm istehsal olunmuşdur. Pambıqçılıqdan başqa, bütün sahələrdə qazanan göstəricilər ötən ildəkindən çoxdur. Beləliklə, bitkiçilik və heyvandarlıq məhsullarından 37 mln 416, 7 min manat gəlir əldə olunmuşdur ki, bunun 12 mln 635, 7 manatı bitkiçilik üzrə, 24 mln. 781 min manatı isə heyvandarlıq üzrədir.
Salyan rayonunda son 9 ayda qeydiyyatdan keçmiş 22 sənaye müəssisəsindən və 11, 54 fiziki şəxsdən 14-ü fəaliyyət göstərmişdir. Hesabat dövründə sənaye müəssisələrində məhsul istehsalının və xidmətlərin həcmi 14 mln. 272 min manat olmuşdur. Bu ilin 9 ayında nəqliyyat sektorunda fəaliyyət göstərən müəssisələr 1 mln 362, 7 min manatlıq nəqliyyat xidməti həyata keçirmişlər ki, bu da, keçən ilin müvafiq dövründən 73,9% çoxdur. 9 ay ərzində Salyan rayonunun rabitə təşkilatları 265, 3 min manatlıq xidmət göstərmişlər ki, bu da keçən ilin müvafiq dövründən 21,9% çoxdur. Əhaliyə göstərən rabitə xidmətlərin həcmi 43,3 % artmışdır.
Rayonda 45 bələdiyyə üzrə yerli büdcənin gəlirləri 273 min 141 min manat olmuşdur. Ondan fiziki şəxslərdən gəlir vergisi 57 min 697 manat, əmlak vergisi 5 min 124 manat, bələdiyyə əmlakının özəlləşdirməsindən gəlirlər 164 min 364 manat, bələdiyyə əmlakının icarəyə verilməsindən gəlirllər 36 min 127 manat, digər gəlirlər isə 6 min 233 manat olmuşdur. Yerli büdcənin gəlirləri 115 min 908 manat olmuşdur. Ümumilikdə 2006-cı ilin 9 ayı ərzində rayonun iqtisadiyatında 98 230, 6 min manatlıq ümumi daxili məhsul istehsal olunmuşdur. Bu da 2005-ci ilin eyni dövrünə nisbətən müqayisəli giymətlərlə 14, 4 % artıqdır.
