Naxçıvan şəhərində 14873 nəfər sığorta şəhadətnaməsi ilə təmin olunub. Trend in Naxçıvan Bürosu Naxçıvan MR Dövlət Sosial Müdafiə Fondunun Naxçıvan Şəhər Şöbəsinə istinadən xəbər verir ki, 19557 nəfər sığorta olunana qarşı indiyədək 17690 nəfərin ərizə forması doldurulub.
Məcburi dövlət sığorta ödəmələrindən yığılan vəsaitin həcmi cari ilin 10 ayı ərzində 4425452 AZN olub. Toplanılan vəsaitin 2448648 manatı büdcə təşkilatlarının, 1417545 manatı qeyri-büdcə təşkilatlarının hesabına, 456 min 867 manatı yerli özəl müəssisələrin, 102391 manat isə fiziki şəxslərin sığortası hesabına toplanılıb.
Naxçıvan MR Dövlət Sosial Müdafiə Fondundan Trend ə bildiriblər ki, hazırda proses davam edir və ilin sonunadək Naxçıvan şəhərində işləyən əhali tam şəkildə sığorta şəhadətnaməsi ilə təmin olunacaq.