Azərbaycanın NATO-ya üzv olması məsələsi müzakirə edilə bilər. Trend in məlumatına görə, bu barədə jurnalistlərə açıqlamasında Milli Məclis sədrinin birinci müavini, Azərbaycanın NATO-dakı nümayəndə heyətinin rəhbəri Ziyafət Əsgərov bildirib.
"Əgər söhbət Azərbaycanın NATO-ya üzv olmasından gedirsə, bu ikitərəfli prosesdir. Əvvəlcə NATO-nun bizim ölkəni öz sıralarına qəbul etməyə hazır olub-olmadığına dair suala cavab verilməlidir. NATO buna hazırdırsa, rəsmi Bakı məsələni müzakirə edə bilər", -deyə Ziyafət Əsgərov əlavə edib.