ATƏT Parlament Assambleyasının (ATƏT PA) Demokratiya, İnsan hüquqları və Humanitar məsələlər Komitəsinin fevralın 22-də keçiriləcək iclasında ATƏT-ə üzv olan ölkələrdə mətbuatın vəziyyəti müzakirə olunacaq. Bu barədə Trend ə açıqlamasında Milli Məclisin beynəlxalq əlaqələr şöbəsinin müdir müavini, Azərbaycanın ATƏT PA-dakı nümayəndə heyətinin katibi İlqar Fərzəliyev məlumat verib.
ATƏT-in kütləvi informasiya vasitələri üzrə xüsusi nümayəndəsi Mikloş Haraşti məsələ haqqında məruzə ilə çıxış edəcək.
Eyni zamanda ATƏT-in Demokratik Təsisatlar və İnsan Hüquqları bürosunun dirketoru Kristian Ştroxalın da məsələ ilə bağlı çıxış edəcəyi gözlənilir. Adıçəkilən komitənin iclasında ölkəmizi Azərbaycanın ATƏT PA-dakı nümayəndə heyətinin üzvləri Fazil Mustafayev və Rəbiyyət Aslanova təmsil edəcəklər.
