Azərbaycan, Bakı /müx. Trend A.İsmayılova/ 2007-ci ilin sonu-2008-ci ilin əvvəlində Sumqayıtda daha bir yeni elektrik stansiyası istismara veriləcək. Bu barədə cümə axşamı Bakı modul elektrik stansiyasının açılışında "Azərenerji" SC-nın rəhbəri Etibar Pirverdiyev bildirib.
O bildirib: "Bu il "Şimal" stansiyasının tikintisinə başlanılacaq. Şüvalanda 4 meqavatt gücündə yeni stansiya tikiləcək".
Onun sözlərinə görə, bu gün açılan Bakı elektrik stansiyasının tikintisinə 50 milyon manat sərf edilib.
E.Pirverdiyev qeyd edib: "Stansiyanın istismara verilməsi Bakının enerji təchizatını hiss ediləcək şəkildə yaxşılaşdıracaq. Stansiya həmçinin "8-ci kilometr" qəsəbəsini yanacaqla tam şəkildə təmin etməyə qabildir".
"Azərenerji" rəhbəri elektrik enerjisi qiymətlərinin qalxacağı barədə gəzən fikirləri təkzib edib.