Azərbaycan, Bakı/ Trend muxbir E.Huseynli/ Avropa Şurası Avropa ölkələrinin parlamentlərində təmsil olunan qadınların sayına dair hesabat açıqlayıb. Hesabatda göstərilir ki, Azərbaycan parlamentində deputatların 10,5%-i, Ermənistan parlamentində isə 5,3%-i qadındır. Qadınların ən çox təmsil olundugu parlament Danimarkaya məxsusdur (36,6%). Ən az göstərici isə Türkiyə parlamentində qeydə alınıb (4,4%). Qadın nazirlərin göstəricisinə görə, Azərbaycan, Ermənistan və Kipr Avropa ölkələri siyahısında ən sonda duran dövlətlərdir (0%). Ən yüksək göstərici isə İsveçə məxsusdur. Həmin ölkədə 21 qadın nazir (52,4%) fəaliyyət göstərir.
...