...

Azərbaycanda Ali və Konstitusiya məhkəmələri sədrlərinin yeni əmək haqları müəyyən edilib

Siyasət Materials 15 May 2007 16:39 (UTC +04:00)

Trend-i buradan izləyin

Azərbaycan, Bakı / Trend müxbir K Zərbalıyeva / "Məhkəmələr və hakimlər haqqında" və "Konstitusiya Məhkəməsi haqqında" qanunlarda dəyişikliklər barədə qanun bu gün qüvvəyə minib.

Dəyişikliklərə görə, Ali Məhkəmə və Konstitusiya Məhkəməsi sədrlərinin aylıq əmək haqqı 1785 manat müəyyən edilib. Qanuna görə, Ali Məhkəmə sədrinin müavininin əmək haqqı sədrin vəzifə maaşının 90, hakimlərinki isə 80 faizi məbləğində müəyyənləşdirilir.

Konstitusiya Məhkəməsi sədrinin müavininin aylıq əmək haqqı sədrin aylıq əmək haqqının 90, hakimlərinin aylıq əmək haqqı 85 faizinə bərabərdir.

Dəyişikliklərdən öncə sədrlərin əmək haqqı şərti maliyyə vahidinin 1300 misli məbləğində müəyyən edilmişdi.

Xəbər lenti

Xəbər lenti