Azərbaycan, Bakı / Trend müxbir E.Hüseynli/ Azərbaycan Müdafiə Nazirliyində ordunun NATO standartlarına uyğunlaşdırılması üçün geniş islahatlar aparılır. Bu barədə cümə axşamı "Hərbi qulluqçuların sosial rifahının təminatına dəstək-beynəlxalq perspektivlər" mövzusunda keçirilən seminarda müdafiə nazirinin müavini Çingiz Məmmədov məlumat verib.
Onun sözlərinə görə, Azərbaycan Silahlı Qüvvələrinə demokratik nəzarət Prezident Aparatı, Milli Məclis, Nazirlər Kabineti tərəfindən həyata keçirilir. Nazir müavini bildirib ki, Azərbaycan orduya demokratik nəzarətin inkişaf etdirilməsi üçün bir sıra xarici ölkələrlə ekspertlər səviyyəsində işlər aparır və təcrübə mübadiləsi həyata keçirir.
NATO standartlarına görə orduda ictimai nəzarət tətbiq olunmalıdır. NATO bu istiqamətdə Azərbaycan Müdafiə Nazirliyi ilə əməkdaşlıq edir.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
