Azərbaycan, Bakı, 27 fevral / Trend , müxbir S.İlhamqızı/ "Amnesty International" təşkilatı Azərbaycanda söz azadlığının vəziyyəti ilə bağlı növbəti dəfə bəyanat yayıb. Bu barədə Trend ə Azərbaycanın Söz Azadlığını Müdafiə Komitəsindən bildirilib.
Söz Azadlığını Müdafiə Komitəsinə daxil olan sənəddə göstərilir ki, "vicdan məhbusu" və "ehtimal olunan vicdan məhbusu" kimi tanınan şəxslər dərhal azadlığa buraxılmalıdır və təşkilat səbrsizliklə Azərbaycan rəhbərliyinin belə bir addım atacağı günü gözləyir.
İndiyədək yalnız Afrikada "vicdan məhbusu" kimi tanınmış şəxsi bir ildən sonra azadlığa buraxıldığını xatırladan təşkilat Azərbaycanın bu təcrübəni təkrarlamayacağına ümid edir.
Helsinki Vətəndaş Assambleyası, Avropa Şurası Parlament Assambleyasının konsultativ üzvü kimi bu təşəbbüsü dəstəkləyib və bunun əsasında da Mikloş Haraşti, Piter Semnebi, Andres Herkel, Tomas Hammerberq, Benita Valdner Ferrero Azərbaycan prezidenti İlham Əliyevə jurnalistlərin azad olunması üçün müraciət ediblər. Beynəlxalq Helsinki Vətəndaş Assambleyasının Niderlandda yerləşən mərkəzi ofisi və IKV/PazChristi azərbaycanlı jurnalistlərin azadlığa buraxılması istiqamətində kampaniya aparır.
Hazırda Azərbaycanda üç nəfər jurnalist həbsdədir.
