Azərbaycan, Şəki, 13 mart / Trend , müxbir E.Quliyev/ Yeni siyahı təsdiqləndikdən sonra Azərbaycanda maddi-mədəni abidələrin sayı 7 000-i ötəcək. Bu barədə cümə axşamı jurnalistlərə Şəkidə səfərdə olan Mədəniyyət və Turizm Nazirliyinin şöbə müdiri Rizvan Bayramov məlumat verib.
2001-ci ildə Azərbaycanın maddi-mədəni abidələrinə dair hazırlanmış siyahıda maddi-mədəni abidələrin sayı 6 308 göstərilib.
Bayramov deyib ki, yeni tarixi və mədəni abidələrin aşkarlanması və onların monitorinqi məqsədilə başlanılan iş yaxın vaxtlarda yekunlaşacaq. Siyahıya düşməmiş mədəni və tarixi abidələrin hamısı buraya əlavə ediləcək. Artıq təkcə Xanlar rayonunda siyahıya düşməyən 100-dən artıq ölkə və yerli əhəmiyyətli tarixi-mədəni abidə müəyyənləşdirilib.