Azərbaycan, Daşkəsən, 27 mart/ Trend , müxbir G. Raqifqızı/ Azərbaycanın Qərb bölgəsində yerləşən Kədəbəy rayonunda martın 21-dən 22-nə keçən gecə əsən güclü külək nəticəsində kəsilən elektrik enerjisinin bərpa olunması üçün tədbirlər görülür və sıradan çıxan 150 elekrtik dirəyindən 105-i artıq bərpa olunub. "Dünən rayonun Ərtəpə və Hacılar kəndi istisna olmaqla rayon kəndləri enerji ilə təmin olunub. Fövqəlada Hallar Komissiyasının mütəxəssisləri tərəfindən rayonun bütün kəndlərində 2 min 100 ədəd dam örtüyünü, 8 ictima binanın, 150 elektrik, 18 telefon dirəklərinin və Rüstəm Əliyev tele ötürücüsünün sıradan çıxmasını müəyyən ediblər", -deyə cümə günü Trend ə açıqlamasında Gədəbəy rayon fövqəladə hallar komissiyasının sədri Qüdrət Paşayev
bildirib.
Komissiya sədri Gədəbəydə 2100 ədəd azbest löhvəsinə ehtiyac olduğunu deyib. Təbii fəlakətin nəticələrinin aradan qıldırılması ilə bağlı işlər davam etdirilir.