Azərbaycan, Bakı, 12 may / Trend , müxbir E.Babayev/ Azərbaycanın Mətbuat Şurası 22 iyul-Milli Mətbuat Günü ilə bağlı tədbirlər proqramı hazırlayır. "Biz Milli Mətbuat Günü ərəfəsində jurnalistlərin əfvi məsələsini də gündəmə gətirəcəyik" bazar ertəsi Trend a Şuranın sədri Əflatun Amaşov deyib.
Azərbaycanda hazırda 3 jurnalist- "Gündəlik Azərbaycan" qəzetinin baş redaktoru Eynulla Fətullayev, "Azadlıq" qəzetinin baş redaktoru Qənimət Zahidov və bu qəzetin yazarı Mirzə Sakit həbsdədir.
Amaşov bildirib ki, həbsdə olan jurnalistlərin məsələsini dəfələrlə qaldırıblar. "Bu məsələ həmişə bizi narahat edib. Milli Mətbuat Günü ilə bağlı bu məsələnin yenidən gündəmə gətirilməsi istisna olunmur" - deyən Amaşov əlavə edib ki, Milli Mətbuat Günü ilə bağlı hazırlanan təbirlər proqramı yaxın vaxtlarda qurumun İdarə Heyətində müzakirə olunacaq və cəmiyyətə açıqlanacaq
Məqalə müəllifi ilə əlaqə ünvanı: [email protected]
