Azərbaycan, Bakı, 20 iyun / Trend , müxbir R.Ergün/ Azərbaycanın yeniyetmələrdən ibarət Yunan-Roma güləşi üzrə yığma komandası Latviyanın Dauqavpils şəhərində keçiriləcək dünya çempionatında iştirak edəcək. Bu barədə Trend -a cümə günü Azərbaycan Güləş Federasiyasının (AGF) mətbuat xidməti məlumat verib.
Dünya çempionatı iyunun 24-də başlayacaq və altı gün davam edəcək. Azərbaycan yığma komandasının üzvləri doqquz çəki dərəcəsində mübarizə aparacaqlar.
Yunan-Roma güləşi üzrə yığma komanda Latviyaya baş məşqçi Arif Əliyevin rəhbərliyi altında gedəcək.
Məqalə müəllifi ilə əlaqə ünvanı: [email protected]