Azərbaycan, Gəncə,16 sentyabr / Trend , müxbir V.Məmmədov/ Azərbaycanın qərbində yerləşən (paytaxt Bakıdan 365 kilometr aralı) Gəncə şəhərində bu il QİÇS-ə yoluxmaqda şübhəli bilinən 30 nəfərin qanı Respublika QİÇS-lə Mübarizə Mərkəzinə göndərilib. Bu barədə çərşənbə axşamı Trend -a Gəncə şəhər Gigiyena və Epidemiologiya Mərkəzinin şöbə müdiri Almaz Tomiyeva məlumat verib.
Bu ilin 8 ayında Gəncə şəhər Gigiyena və Epidemiologiya Mərkəzində 9 296 nəfərin qanı müayinə olunub. Onlardan 30 nəfərində seropazitiv göstərici qeydə alınıb.
Tomiyeva ötən il 15 634 nəfərdən qan analizlərinin götürüldüyünü bildirib. Onlardan neçə nəfərinin QİÇS-li xəstə olduğu barədə məlumatı isə Tomiyeva Respublika QİÇS-lə Mübarizə Mərkəzinin icazəsi olmadan verə bilməyəcəyini deyib.
Gəncə miqrasiyaya məruz qalan şəhər olduğu üçün burada bu təhlükəli virusa yoluxan xəstələrin sayı ilbəil artır.
Məqalə müəllifi ilə əlaqə ünvanı: [email protected]