Azərbaycan, Quba, 07 noyabr / Trend , müxbir A. Qafarov/ Azərbaycanın şimal rayonlarına bu gün günorta saatlarından başlayaraq, güclü qar yağmağa başlayıb.
Quba rayon hidrometeorologiya mərkəzinin direktoru Şahbala Salmanovun cümə günü Trend -a verdiyi məlumata görə, Qubanın üç kəndində- Xaltan, Xınalıq və Qırız kəndələrində qar daha intensiv xarakter alıb. "Həmin kəndlərə 18 santimetrə qədər qar yağıb. Hazırda 6-7 dərəcə şaxta qeydə alınıb", - deyə Salmanov bildirib.
Quba rayonunun fövqaladə hallar komissiyasının sədri Yusif Abidov Trend - a bildirdiyinə görə, hələ ki güclü qarın yağması ilə bağlı ciddi fövqəladə hal qeydə alınmayıb. "Həmin ərazilərdə elektrik enerjisinin verilməsi normal qaydada həyata keçirilir", deyə o bildirib.
Hazırda Qusar rayonunda da yağıntı müşahidə olunur.
Azərbaycanın Quba rayonu paytaxt Bakıdan 160 km şimalda yerləşir.
Məqalə müəllifi ilə əlaqə saxlamaq üçün ünvan: [email protected]